Daw kaangay nga wala sang labot kag maka-insulto sa mga Pilipino nga naga-antus subong nga may pandemya ang plano sang Department of Environment and Natural Resources (DENR) nga tampukan sang “white sand” ang Manila Bay.
Ini ang pahayag ni Vice President Leni Robredo.
Una na nga ginpahayag sang DENR nga P389 million ang mahimo maggasto sa nasambit nga plano agud nga malikawan sang mga tawo ang paghaboy sang basura sa dagat.
Pahayag niya, bisan si Presidente Rodrigo Duterte ang nagahambal sa kada press conference sini nga wala na kwarta ang gobyerno apang sa subong may pang beautify ang ahensya.
Makapila naman gin-reject sang Duterte administration ang iya mga suhestyon vkun paano mapamaayo pa ang COVID-19 response sang gobyerno lakip na ang paghatag sang P5,000 sa mga pigado nga pamilya bangud sa kakulang sang pondo.
