ILOILO CITY- Ginbisita ni Vice President Leni Robredo ang pila ka banwa sa probinsya sang Iloilo agud lantawon ang pila ka mga community-based projects kag mga learning hubs.
Ang Office of the Vice president amo ang responsable sa paghatag sang computers, printers, WiFi boosters, kag school supplies para sa nasambit nga mga hubs.
Sa interview sang Bombo Radyo Iloilo kay Vice President Robredo, iya ginpahayag nga pila sa iya ginkadtuan amo ang Community Learning Hub (CLH) sa Brgy. Bagacay, Tigbauan, Iloilo nga nagabulig sa masobra 200 ka mga estudyante para sa distance learning.
Gindayaw man sang bise-presidente ang resulta sang ginpondohan nga proyekto sa idalom sang Bridging leadership Program sa banwa sang Anilao, Iloilo.
Nakigkita man ini sa mga mangunguma sa banwa sang Cabatuan.
Si Robredo ang natalana nga magbalik sa Manila buas nga adlaw.
