Sa pihak sang ginapangatubang sini nga impeachment, nahimo sa gihapon ni Vice President Sara Duterte nga maghalog.
Sa press briefing, sang ginpangayuan ini sang mensahe sa Valentines, nagpahayag ang bise presidente nga may yara pa sang mas masakit kun ipaanggid sa pag-impeach sa iya sang Kamara.
Suno kay Duterte, ini amo ang mabayaan sang boyfriend ukon girlfriend.
“Alam niyo, mas masakit pa ang maiwan ng boyfriend o girlfriend kesa ma-impeach ka ng House of Representatives.”
Ginpahayag sini nga wala man ini nakabatyag nga gintraiduran ini bangud wala man ini nga suod nga abyan nga yara sa politika partikular sa Kamara.
Gindugang man sini nga kun wala sang may ginhimo nga sala ang mga kongresista nga nagboto pabor sa iya impeachment, wala man ang mga ini sang dapat nga ipaathag ukon depensahan.
