Gin-akusaran ni Vice President Sara Duterte ang Marcos administration nga nagkuntsaba sa International Criminal Court (ICC) agud ipapreso ang iya amay nga si anay President Rodrigo Duterte, bangud sa ginapangatubang sini nga kaso sang crime against humanity may kaangtanan sa war on drugs.
Sa iya pahayag sa “Free Duterte Now” rally sa The Hague, ginbuyagyag ni VP Sara nga ginabuligan sang Marcos administration ang ICC sa pag-usisa kag posible nga pag-aresto sa anay presidente, sa baylo nga protektahan ini.
Ginklaro man ni Sara nga apisar may kakulang sang ebidensya, ginapilit sang ICC nga dakpon si Duterte.
Suno sa iya, ginagamit lamang ang kaso agud mapalayo sa politika si ang iya amay.
Sa pihak nga bahin, nagpaathag ang spokesperson sang ICC nga si Fadi El Abdallah nga indi sila magahatag sang komento sa mga political statements.
Nagapadayon ang imbestigasyon sang ICC sa posible nga paglapas sang tawhanon nga kinamatarong sa idalum sang administrasyon ni Rodrigo Duterte, apisar sang padayon nga pagpamalibad sang Pilipinas sa hurisdiksyon sang korte.
