Gin-engganyo ni Vice President Sara Duterte si President Ferdinand Marcos Jr. nga magpaidalom sa drug test matapos ang ginbuy-an nga alegasyon ni Senator Imee Marcos na naga-gamit ang First Family sang iligal nga droga.
Sa isa ka pahayag, ginsiling VP Duterte nga dapat magpakita sang resulta ang president agud mapamatud-an nga masarangan pa sini nga pangunahan ang pungsod.
Sang ginpamangkot naman kun nagapati siya sa alegasyon, ginsiling sang Bise Presidente nga tanan nga nakaupod sang presidente nagasiling nga naga-gamit ang mga ini sang droga.
Sa pihak nga bahin, una na nga ginklaro sang Palasyo nga negatibo ang nangin resulta sang drug test ni President Marcos kag wala ini sang intension nga magpaidalom sa hair follicle test.
Kaangot sini, no comment naman si VP Sara tuhoy sa posibilidad nga magbulos sa presidente kun mapahalin sa pwesto si Marcos bangud sa nagalala nga sitwasyon sa korapsyon.
Nakatalana naman si Duterte nga magtambong sa Senate Hearing sa Huwebes, Nobyembre 27, para sa 2026 budget sang Office of the Vice President.
