Handa si Vice President Sara Duterte nga sabton ang mga reklamo sang impeachment batok sa iya sa isa ka “proper forum,” suno sa iya legal team.
Ini kasunod sa iya wala pagtambong sa hearing sang House Committee on Justice nahanungod sa impeachment nga natabo subong nga adlaw, Marso 25.
Ginklaro man sang abogado sini nga wala ginatalikdan ni Duterte ang iya mga katungdanan nga magpahayag sang dapat sini panindugan, pagkontra, ukon paggamit sini sang iya constitutional rights.
Antes sang press conference, nagsumiter ang kampo ni Duterte sang sulat kay Committee Chairperson kag Batangas Rep. Gerville Luistro, nga ang panel nag-lapaw sa ginpahamtang nga limitasyon sang Konstitusyon bangod sa isa ka proseso nga dapat una nga imbestigasyon bilang isa ka “mini-trial.”
Samtang, suno naman kay Luistro nga ang hearing sang committee nga natabo subong nga adlaw indi isa ka “trial” kundi isa lamang ka “clarificatory hearing” nga may katuyuan nga hibaluon kun may yara sang nagakaigo nga basehan ukon (probable cause) agud madayon ang trial sa Senado.
Ang mga reklamo sang impeachment batok kay Duterte nagalakip sang mga akusasyon sang betrayal of public trust, bribery, graft and corruption, kag ang sala nga paggamit sang P612 million nga confidential funds.
