Apisar wala man sang direkta nga sabat si Vice President Sara Duterte sa impeachment complaints nga gin-file batok sa iya, maunod ang iya Christmas message sang nagkadto siya sa Lagawe, Ifugao.
Sa iya speech sa gift-giving activity sang Office of the Vice President, nagpanawagan si Sara sa mga Pilipino nga mangin mapinatawaron, mabinuligon, kag mangin mapinalanggaon subong nga Christmas season.
Gindugang ni Sara nga bilang vice president, kinahanglan gid niya nga hatagan sang balor kun daw ano ka-importante ang pagpatawad kun gina-istoryahan ang Christmas.
Apang ginsugpon sini nga sa iya bahin, indi gid siya magpatawad.
Wala siya sang ginhambal nga pangalan, apang nagyuhom man ini dayon kag nagkinadlaw ang mga tawo.
“Ang Pasko ay panahon ng pagpapatawad, pagmamahal, at pagbibigay. Forgiving, giving, and loving. Lagi ko pong sinasabi na depende ‘yan sa tao pero dahil ako ay vice president, kailangan ko sabihin na yan ang mensahe at diwa ng Pasko. Pero kung ako, hindi ako magpapatawad,” kabahin sang statement.
“Iba-iba ang tao, diba? Mayroon sa atin mabilis magpatawad, mayroong matagal at mayroon sa atin na dinadapa sa hukay ang galit,” dugang ni Sara.
Ini nga statement ang kadungan sang nagasaka nga tension sa tunga niya kag siya former runningmate nga si President Ferdinand Marcos, Jr., House Speaker Martin Romualdez, kag pila pa gid ka House lawmakers.
Sa amo man nga speech, naghingyo si Sara sa mga Pilipino nga usisaon gid sang maayo ang mga kandidato nga ila pilion sa 2025 elections.
“Hindi dahil galing sa pamilya ng politiko ay automatic ang boto ninyo…Kelangan suriin ninyo ng mabuti kung mayroon ba syang kakayahanan bukod sa kaniyang apelido,” dugang sang bise-presidente.
Nagpahayag man ini nga dapat i-review sang mga botante ang mga promisa sa kampanya kun natuman bala ukon wala.
Wala ini sang gin-mensyonar sa iya speech, apang sang naakig siya sa iya press conference sang naglinigad nga semana, ginwaswasan sini ang promisa ni President Ferdinand Marcos, Jr. nga panubuon sa P20 ang presyo sang kada kilo sang bugas.#
