Imbitaron si Vice President Sara Duterte nga magtambong sa ikaapat nga State of the Nation Address (SONA) ni President Ferdinand Marcos Jr. sa Hulyo 28 subong nga tuig.
Suno kay House Secretary General Reginald Velasco, ipadala nila ang invitation letter sa opisina sang bise-presidente apisar nga naglain na ang relasyon nanday Sara kag Marcos nga runningmates anay sang 2022 elections.
Suno kay Velasco, ginapreparahan nila ang tanan nga posibilidad lakip na pananglitan magtambong si Duterte. May yara sang protocol para sa seating arrangement suno sa opisyal gani lauman nga yara ang bise sa VIP section sa tunga sang hall.
“So she will be seated in the VIP section, doon sa may gitna. So if she attends, she will be seated there. And then ‘yung mga officials na kasama niya, they’ll be given the usual seats given to their senior staff,” suno sa House Secretary General.
Matandaan nga sang nagligad nga tuig, wala nagtambong si Sara.
Sang Pebrero, gin-impeach siya sang Kamara kun sa diin nalakip sa ginbasehan amo ang iya pamahog nga kun may magpatay sa iya, may ginsugo naman siya agud patyon ang presidente, ang first lady, kag ang House Speaker.
Umpisahan sang Senado ang impeachment trial kay Sara kun matapos na ang SONA sang presidente.
