Ginahitso na sang Philippine National Police (PNP) ang mga kaso nga ipasaka nila batok kay Vice President Sara Duterte kag sa mga tinawo sini.
Kaangot sini sa natabo nga insidente sa House of Representatives kag Veterans Memorial Medical Center sang weekend kasunod sang pagka-detain sa Vice Presidential Chief of Staff nga si Atty. Zuleika Lopez.
Nakit-an man si Vice Presidential Security and Protection Group (VPSPG) head Col. Raymund Dante Lachica nga nagtiklod kag nagpanakit sa PNP doctor-in-charge nga possible madagdag sa kaso nga direct assault.
Suno kay Police Brigadier General Jean Fajardo, spokesperson sang PNP, gina-review na sang Criminal Investigation and Detection Group ang ipasaka nga kaso santo sa layi.
Si Lopez ang na-cite for comtempt sang House Committee on Good Government and Public Accountability bangud sa indi pagsugid sang matuod kaangot sa paggamit sang confidential funds sang bise presidente.
Lakip sa mga atubangon nga kaso sang bise presidente amo ang paglapas sa Article 151 sang Revised Penal Code for Resistance and Disobedience to a Person in Authority magluwas pa diri ang criminal administrative offenses.
