Ginapabasura ni Vice President Sara Duterte sa Department of Justice ang reklamo nga ginpasaka sa iya sang National Bureau of Investigation.
May kaangtanan ini gihapon sa pagpamahog sini kay Presidente Ferdinand Marcos Jr., First Lady Liza Araneta Marcos kag House Speaker Martin Romualdez.
Partikular nga gin-file sang NBI ang reklamo nga Sedition kag Grave Threats nga may kaangtanan sa Cybercrime Prevention Act of 2012.
Ang hingyo sini ang nasaad sa counter-affidavit sang bise presidente sa pag-atubang sini sa preliminary investigation sang DOJ sa iya nga reklamo kahapon.
Nakasaad sa amo nga affidavit nga dapat lamang nga indi na pagdayunon pa ang hearing sa kaso kag ibasura na lamang ini.
Kaangot diri, nagalaum ang kampo ni VP Sara nga mahatagan sang due process ang reklamo nga gin-file batok sa iya.
