Nagbyahe si Vice President Sara Duterte sa Germany kaupod ang iya iloy kag pamilya kadungan man sang paglaslas sang Bagyo Carina sa pungsod nga rason sang halos pag-anaw sang mga dalanon sa Metro Manila.
Base sa impormasyon, natabo ang byahe kahapon sang kaagahon kun sa diin kaupod sini ang iya bana nga si Mans Carpio, tatlo ka kabataan, kag iloy nga si Elizabeth Zimmerman.
Wala pa sang kumpirmasyon ang Office of the Vice President (OVP) kaangot diri apang nagalapta na ang laragway sang bise-presidente nga nagasuksok sang hoodie kag mask samtang yara sa airport.
Sandig pa sa nagaguluwa nga impormasyon, madugay na nga na-planuhan kag na-book ang amo nga flight ukon wala ginhungod nga nagdungan ini sa bagyo. Ginpahayag nga magabisita sila sa mga himata sa Zimmerman nga side sang pamilya.
Nahibaluan nga si Zimmerman nga una nga asawa ni former president Rodrigo Duterte ang isa ka flight attendant nga may German descent.
Sa social media accounts naman sang OVP, ginpakita ang padayon nga relief efforts sang opisina sa National Capital Region (NCR) kag mangin sa Region 4-A pamaagi sa OVP Disaster Operations Center.
