Nag-resign na si Vice President Sara Duterte bilang Secretary sang Department of Education (DEPED).
Suno sa Presidential Communications Office, magluwas bilang tiglikom, nag-resign man si Duterte bilang Vice Chairperson sang National Task Force to End Local Communist Armed Conflict (NTF-ELCAC).
Ang resignation ni Duterte ang ginpasa subong nga adlaw kag ginbaton naman ni President Ferdinand Marcos, Jr.
Effective July 19, indi na mangin kabahin si Duterte sang Marcos administration.
Apang magapadayon ini sa gihapon sa iya trabaho bilang bise presidente.
“She declined to give a reason why. She will continue to serve as Vice President,” pahayag sang Malacañang.
Ang pag-resign ni Duterte ang sa tunga man sang nagwa nga mga impormasyon nga wala na nagahugpong ang sadto anay Uniteam nga gintukod nila ni Marcos sang tinalikdan nga eleksyon.
Wala naman sa subong nagabugnuhanay si First Lady Atty. Liza Marcos kag si Vice President Duterte.
Ini matapos wala naluyagan sang First Lady ang ginhimo nga pagkadlaw sang bise presidente kay Presidente Marcos sang ginbuyayaw kag ginhambalan nga bangag kag drug addict sang iya amay nga si former Presidente Rodrigo Duterte.
Mangin ang mga utod sang bise presidente nga sanday Davao City 1st district Representative Paolo Duterte kag Davao City Mayor Sebastian Duterte ang nagapakamalaot man sa presidente.
