Posible nga mapahalin sa puwesto kag ma-disqualifysa sa pagserbisyo sa gobyerno si Vice President Sara Duterte kon mapamatud-an sang Senado nga may ara ini sang salabton sa impeachment case sini nga ginapangatubang.
Sa idalom sang proseso sang impeachment, kun mapamatud-an nga guilty si Duterte sa mga articles sa impeachment, mahimo ini nga mapahalin sa iya posisyon bilang Bise Presidente sang Pilipinas.
Luwas sa pagpahalin sa pwesto, mahimo man ini nga ma-disqualify sa pag-uyat sang pampubliko nga posisyon sa gobyerno.
Ang desisyon sang impeachment court nagakahulugan man nga mahimo na ini nga mapasakaan sang civil kag criminal liability kon may ara sang nagaka-igo nga basehan base man sa layi sang pungsod.
Nahibaluan nga sa pagsugod sang impeachment trial sang Bise Presidente subong nga adlaw may katungdanan ini nga sabton mga reklamo nga ginahaboy batok sa iya.
Samtang, nagpahayag naman si President Ferdinand Marcos sang iya opinyon nahanungod sa impeachment trial nga pagasugudan na subong nga adlaw.
Suno pa sa Presidente nga dapat atubangon ni Duterte ang mga ginahaboy sa iya nga reklamo kag untaton na sini ang wala sini pagtambong may kaangtanan sa ginapangatubang nga kaso sang Bise Presidente.
