Wala nagpakita si Vice President Sara Duterte sa ikaduha nga preliminary investigation nga ginpatigayon subong nga adlaw sang Department of Justice (DOJ) nga may kaangtanan sa mga reklamo nga ginpasaka batok sa iya.
Ang reklamo nga inciting to sedition kag grave threats ginpasaka sang National Bureau of Investigation (NBI) batok sa bise presidente, matapos ang iya mga pahayag nga ginahalinan sang isyu.
Gani, gin-imbitar siya sang DOJ agud personal nga magpresentar sang iya panig sa ikaduha nga preliminary hearing, apang wala siya nagtambong.
Suno sa iya mga abogado nga sanday Atty. Michal Poa kag Atty. Paul Lim, indi kinahanglan nga magpakita ang bise presidente sa subong nga hearing bangud ang NBI pa lang ang ginahulat nga magsumiter sang ila reply.
Gindugang pa nila nga nagsumiter na si VP Duterte sang iya counter affidavit sang nagligad nga semana agud ipaathag ang iya depensa sa mga alegasyon nga ginpasaka kontra sa iya.
