Gin-ako ni Vice President Sara Duterte nga may duha ini ka bagay nga ginhingyo kay President Ferdinand Marcos, Jr. antes ang ila tandem sa eleksyon.
Suno kay Duterte, duha lang ka bagay ang iya ginpangayo kay Marcos sa tion nga magdaog na ini bilang Presidente.
Una amo nga makapungko ini bilang Defense Secretary kag ang ikaduha amo nga makapauli ini sa Davao City via air travel.
Apang sang nagdaog na si Marcos, ginhimo sini si Duterte bilang Secretary sang Education.
Samtang nabutang naman si Duterte sa kontrobersiya matapos ginapahayag nga gingamit sini ang presidential chopper agud magpauli sa Davao City.
