ILOILO CITY- Ginkumpirma ni Vice President Sara Duterte nga ginmando sang pamunuan sang Philippine National Police (PNP) ang pag-relieve sa 75 ka mga pulis nga assigned para sa iya seguridad.
Kasunod sini, ginpahayag ni Duterte nga indi ini makaapekto sa iya trabaho bilang vice president.
Nagalaum naman ini nga sa latest directive sang Chief PNP, mabuhinan ang pagduging sang druga sa pungsod kag indi na madugangan pa ang mabiktima sang nanuhay-tuhay nga krimen.
Ginpahayag naman ni PNP Chief Gen. Rommel Marbil nga gin-reassign niya ang pila ka police security detail ni Duterte sa National Capital Region Police Office (NCRPO) bangud nga kulang sila sa personnel.
Suno kay Marbil, ini nga nga reassignment ang ginpaathag kag gin- coordinate sa Office of the Vice President.
Suno naman kay Brig. Gen. Nelson Morales, Commander sang Presidential Security Command, handan sila nga siguraduhon ang security kag safety sang Vice President.
