Gintawag ni Vice President Sara Duterte nga tsismis ang report nga isa siya sa mga naga-pondo para sa destabilization plot batok sa Marcos administration.
Matandaan nga ang columnist nga si Mon Tulfo ang nag-post sang listahan sa iya social media account.
Gin-akusaran sini ang vice president, si Davao Rep. Paolo Duterte, kag si former Ilocos Sur Governor Chavit Singson nga amo ang naga-pondo sa destabilization plot.
Magluwas diri, may nakalista man nga involved nga government officials kag former generals.
Sabat naman sang bise-presidente, tsismosa lang ang tawo nga nagapalapta sang impormasyon nga wala man sang ebidensya.
“Kasi yung mga ganyan na kung napapansin nyo, ako ay hindi talaga ako nabibigay ng mga alegasyon kung wala akong ebidensya,” suno kay Duterte. “Yung mga ganyan, kapag meron kang alegasyon, wala kang ebidensya, ang tawag niyan ay chismis o ang tawag sa iyo ay chismosa,” dugang sini.
Una naman nga nagsiling ang Malacañang nga ginpasa na sa Armed Forces of the Philippines (AFP) ang listahan para sa validation.
