Indi magtambong si Vice President Sara Duterte sa 4th State of the Nation Address (SONA) ni Presidente Marcos sa July 28.
Ginkumpirma ini ni House Secretary General Reginald Velasco sa briefing sa Batasang Pambansa complex sa Quezon City subong nga adlaw.
Suno kay Velasco, matapos sila nagpadala sang mga imbitasyon para sa SONA, nakabaton sila sang sulat halin sa opisina ni Duterte nga nagasiling nga ma-absent ini.
Sa pihak sini, ginsiling ni Velasco nga nagahanda sila kun magbag-o ang pinsar ni Sara kag magpakita ini sa SONA.
