Nagpanawagan si Vice President Sara Duterte kay Palace Press Officer Claire Castro nga mangin propesyonal sa iya mga pahayag bilang tagpamaba sang Malacañang.
Ini matapos tawgon ni Castro nga “wala sang basehan” kag “wala sang pulos” ang pahayag ni Duterte nga ang International Criminal Court ukon ICC ang tutoy ukon lapdog sang administrasyon ni Presidente Ferdinand Marcos Jr.
Sabat ni Sara, bilang spokesperson sang Presidente kag sang Office of the President, kinahanglan mangin mahinalungon kag propesyonal si Castro sa iya mga ginapahayag.
“Uulitin ko ha, si Claire Castro is a spokesperson of the President and the Office of the President. Hindi ko alam kung kaninong spokesperson siya pero by the fact na spokesperson ka at mayroong seal ng Office of the President diyan, dapat maging professional ka sa mga sinasabi mo,” suno kay Duterte.
Pahayag pa sang Bise Presidente, indi pareho sa ordinaryo nga mga indibidwal ang isa ka opisyal nga mahimo lamang magpahayag sang iya personal nga opinyon, bangud nagarepresentar ini sa opisina sang Presidente.
“She doesn’t have the liberty na tulad sa atin na pwedeng magsalita ng kahit anong iniisip natin at kahit anong opinion natin kasi nagsasalita tayo para sa sarili natin. Pero kapag may seal sa likod mo, sa harap mo, kung ano yung professionalism na hinihingi galing doon sa opisina na yun, yun dapat ipakita at ibigay mo sa taong bayan,” dugang sang vice president.#
