Nagapati ang isa ka public interest lawyer nga himuon sang administrasyon ni Marcos Jr. ang tanan nga masarangan sini agud indi makapadalagan si Vice President Sara Duterte sa pagka-presidente sa 2028 nga eleksyon.
May kaangtanan ini sa latest development sa impeachment trial ni Duterte.
Suno kay Atty. Jobert Pahilga, kun desidido ang administrasyon nga i-disqualify si Duterte, kinahanglan himuon nila ang tanan nga legal kag politikal nga paagi agud matuman ini.
Pahayag pa ni Pahilga, ini bangud kun magdaug si Duterte sa pagka-presidente, indi imposible nga magbalos ini sa iya mga kaaway subong sa politika.
