Nagsabtanay sanday Vice President Sara Duterte kag Senator Risa Hontiveros kadungan sang ginpatigayon nga budget hearing sang senado sa Office of the Vice President (OVP).
Nag-usisa si Hontiveros sa budget sang OVP, partikular ang proposal nga kakason ang pondo para sa social programs agud i-realign sa iban nga mga ahensya.
Nag-usisa man si Hontiveros sa libro nga ginapanagtag ni Duterte sa diin siya mismo ang author.
Diri kag nagsabat ang bise presidente nga kaangot sa pag-abyanay ang nasambit nga libro.
Nag-ibwal man ang bise presidente kag gintawag nga ginapolitika ang national budget.
Ginpahayag sang bise presidente nga indi siya makabalibad sa mga tawo nga nagapangayo sang iya bulig bangud may eksperyensya na siya sadto nga sang gin-refer nila ang mga tawo sa iban nga ahensya, ginabalibaran ang mga ini.
Samtang, gindugang man sini nga ginbalibaran niya ang 38 ka mga personnel halin sa Philippine National Police nga luyag ma-deploy sa iya opisina.
Sa subong, may yara sang 337 personnel nga nagabantay sa bise presidente sa diin halin ang mga ini tanan sa Armed Forces of the Philippines.
