Nagpanindugan si Vice President Sara Duterte nga Pilipinas ang iya nga ginadampigan kag indi ang China.
Suno sa bise-presidente, pro-Philippines siya, amo gani nga diri siya sa Pilipinas agud nga ikampanya ang mga kandidato para sa pungsod.
“Hindi ba obvious na nandito ako sa Pilipinas upang ikampanya ang mga kandidato para sa ating bansa? So, of course I am pro-Philippines and nothing else,” pahayag sang bise sa interview sa Kidapawan City.
Kabahin ini sang reaksyon ni Sara sang nagpahayag si House Deputy Majority Leader Francisco Paolo Ortega V nga nagahinipos lang ang vice president sa isyu sang iligal nga mga aktibidad sang China sa Sandy Cay sa West Philippine Sea.
Ginpamangkot pa anay ni Ortega si Sara kun ang iya katampad ang yara bala sa China ukon sa Pilipinas.
“She’s been going around hitting almost everybody, but never China! Apparently, mum is the word when it comes to Beijing. She’s dead silent when the issue about China occupying our very own yard is raised. Silent as the grave with zipped and sealed lips – very much unlike her,” kabahin ang statement sang kongresista.
Buwelta naman ni Sara, indi man niya pag-atakehon ang China kun diri siya sa Pilipinas nagakampanya nga ang problema suno sa iya amo ang mga promisa nga wala nagatupa kaangay sang P20 kada kilo nga bugas.
“Of course, bakit ko naman atakihin ang Tsina sa ating kampanya dito sa Pilipinas? Ang problema natin dito ay ang hindi pagtupad sa mga pangako tulad nalang ng P20 per kilo na bigas.”
Gin-akusaran man ni Sara si Ortega nga “product of warlordism” sa pungsod nga pareho suno sa iya kay Lanao del Sur Rep. Zia Adiong.
“So dapat lang na mag-adopt din siya ng deafening silence dahil wala siyang karapatan na buksan ang kanyang bibig,” dugang sang vice president.#
