Nagapati si Vice President Sara Duterte nga wala dapat gin-postpone ang Barangay kag Sangguniang Kabataan Elections (BSKE) subong nga tuig 2026.
Kasunod ini sang pagpirma na ni President Ferdinand Marcos Jr., kahapon nga adlaw sang hagna nga palawigon tubtob lima ka tuig ang termino sang Barangay kag SK officials sa idalom sang Republic Act. No. 12326.
Tinutuyo ni Marcos nga palawigon ang serbisyo sang nasambit nga mga opisyal agud mahatagan pa ini sang tion nga matapos ang ila mga programa kag mas mahatagan pa sang bulig ang ila komunidad ilabi na ang mga kabataan.
Apisar sang nasambit nga pagpati sang bise presidente, ginpakigbahin man niya nga bangud napatuman na bilang layi ang nasambit nga tikang, dapat na gid ini nga sundon.
Dugang pa niya, kun ano ang yara sa layi, ini man ang dapat nga mangin basehan sang Commission on Elections.
Madumduman nga madamo sang nabatun nga negatibo nga komento ang nangin lihok sang administrasyon bangud sa ginapahayag kapaslawan sang madamo nga mga Barangay kag Sangguniang Kabataan officials nga mag-ubra sang ila nga mga responsibilidad.
