Natalana nga mangatubang si Vice President Sara Duterte sang isa pa gid ka impeachment complaint nga iga-endorso sang Makabayan Coalition sa House of Representatives subong nga Disyembre 4.
Ginbuyagyag ni Kabataan Rep. Raoul Manuel ang amo nga plano sa diin ginmensyonar sini nga ang Makabayan Bloc ang suportado sang madamo nga organisasyon kag mga sektor sa ila tikang.
Suno kay Manuel, pursigido ang nanuhay-tuhay nga sektor nga mangin kabahin sang pagsugod sang formal proceedings sang impeachment.
Positibo si Manuel nga may oras pa ang 19th Congress nga matalakay ang impeachment complaint batok kay Duterte kag makakuha sang kinahanglan nga boto sa kamara.
Ini apisar ginpahayag ni President Ferdinand Marcos Jr. sa iya mga kaalyado sa lower House nga indi mag- file sang impeachment complaint.
Ini ang ikaduha nga impeachment complaint batok kay Duterte, kun sa diin ang una ang ginpasaka sang civil society organizations kag gin- endorso sang Akbayan party-list.
Gintawag ni Akbayan Rep. Perci Cendaña ang complaint bilang kritikal nga tion agud mag- demand sang accountability ang mga pumuluyo.
Suno naman kay former senator Leila de Lima, ini ang husto nga tion agud i-impeach ang vice president.
