Ginklaro ni Senate President Francis “Chiz” Escudero nga wala sa lista sang priority legislations ang hagna nga pasakaan ang daily minimum wage sang mga mamumugon.
P200 nga wage hike ang nakabutang sa hagna nga gin-aprubahan sang Kamara samtang P100 naman ang iya sang Senado.
Suno kay Escudero, ang P200 across the board nga ginpasar sang mga kongresista sa ulihi nga semana sang sesyon ang wala nakabutang sa Legislative-Executive Development Advisory Council (LEDAC).
“Ipapasa pa lang nila ‘yan ba’t hindi brining up sa LEDAC para napag usapan na? Hindi ba? Siguro naman hindi ito maliit na bagay para hindi mabanggit o mapagusapan. Ano ‘to napag isipan lamang pagkatapos ng LEDAC?,” kwestyon sini.
Ang LEDAC nga ginabug-usan sang cabinet secretaries kag Senate and House leaders amo ang nagaplastar sang economic policies sang administration nga amo ang ginahimo nga layi.
Gindugang sini nga may matabo nga bicameral conference kun mabaton na sang Senado ang kopya sang House bill nga ginpasar sa third and final reading sang Myerkules, Hunyo 4. Apang pahayag sini, indi klaro kun adoptaron sang Senado ang version sang Kamara ukon magakompromiso sila sa amount agud indi maapektuhan ang ekonomiya.
“If you remember the Senate Bill providing for a P100 across the board wage increase, marami kaming in-exempt para maprotektahan ‘yung maliliit talaga, ‘yUng micro and small industries na hindi kakayanin maski na P100,” suno sa senate president.
Una na nga nagtunog ang panawagan sang labor groups nga Partido Manggagawa kag Nagkaisa Labor Coalition agud nga mapatigayon na ang immediate convening sang bicameral committee agud nga makahimo sang final version sang hagna sa wage hike para mapadala sa Malacañang agud nga mapirmahan sang president.#
