Aprubado na ang wage hike para sa mga private sector workers sa Western Visayas.
Suno sa Department of Labor and Employment, epektibo ini umpisa sa tunga-tunga sang Nobyembre.
Sa gin-aprubahan sang Western Visayas regional wage board, may yara sang P33-P40 daily wage increase para sa private sector workers.
Buot silingon sini, ang daily minimum wage rates sa rehiyon ang maga-range halin sa P485 tubtob sa P513 sa non-agriculture sector kag P480 sa agriculture sector.
Para sa non-agriculture workers sa commercial ukon industrial businesses nga may yara sang masobra 10 ka workers, ang approved wage hike amo ang P33 nga buot silingon, ang minimum wage nga P480 ang mangin P513.
Ang mga workers naman sa mga Negosyo nga may 10 ka empleyado ukon mas manubo pa ang may yara sang P35 hike, kun sa diin ang P450 mangin P485.
Ang mga agricultural workers naman ang makabaton sang P40 hike, kun sa diin P440 ang mangin P480.
Aprubado man ang P1,000 monthly increase para sa mga kasambahay gani ang monthly minimum wage nga P5,000 ang mangin P6,000.
Ang wage orders ang ibalhag sa Nobyembre 1 kag mangin epektibo sa Nobyembre 17.
