ILOILO CITY – Ipatuman na sumugod subong nga adlaw ang wage increase ukon saka sa minimum wage sang mga mamumugon sa Western Visayas.
Suno kay Department of Labor and Employment (DOLE) ARegion 6 director Johnson Cañete, ipatuman ang wage increase sa tanan nga lugar sa rehiyon magluwas lang sa Aklan nga apektado sang temporary closure sang Boracay Island.
Sa mga minimum wage earner nga yara sa Non-agriculture/ Industrial / Commercial nga may trabahador nga indi magsobra sa 10, maga-suweldo na sang P295.00 gikan sa P271.50 nga minimum wage samtang ang mga may trabahador nga masobra 10 ka tawo ang magahatag na sang P365.00 gikan sa P323.50.
Ang yara sa agricultural sector kasubong sang plantation ang magahatag na sang P295.00 nga minimum wage gikan sa P281.50.
Ang mga non-plantation naman ang magahatag sang P295.00 nga minimum wage gikan sa P271.50.