MOLO, ILOILO CITY – Patay ang isa ka lalaki matapos ginluthang sa Barangay North Fundidor, Molo, Iloilo City.
Ang biktima amo si Alejandro Panes, residente sang Zone III Barangay Dulonan Arevalo, Iloilo City kag nagatrabaho bilang waiter sa MO2 sa Glicerio Pison Benigno Aquino Drive Mandurriao, Iloilo City.
Sa interview sang Bombo Radyo kay Police Staff Sergeant Mark John Suganob, imbestigador sang Molo Police Station, iya ginpahayag nga papauli na ang biktima sang matabo ang insidente sakay sang iya motorsiklo.
Suno kay Suganob, ginsundan ang biktima sang mga suspek nga nakasakay man sa motorsiklo kag ginluthang sa diin nag-angkon ini sang pilas sa tiyan kag likod.
Duha naman ka lupok ang nabatian sang mga residente sa lugar.
Narekober naman sa crime scene ang deformed slug sang wala pa mahibaluan nga armas.
Gindala pa ini sa ospital, apang gindeklarar sang doktor nga dead on arrival.
Nadalasa man ang kotse nga naka-park sa lugar sa diin nabuka gid ang windshield sini.
