ILOILO – Wala anay sang patigayunon nga bulang sa probinsya sang Iloilo apisar nga may yara na sang pahanugot sa National Inter-Agency Task Force.
Sa interview sang Bombo Radyo kay Iloilo Gov. Arthur Defensor Jr., iya ginpahayag nga magapaguwa pa siya sang Executive Order tuhoy sa guidelines sa pagpatigayon sang bulang.
Suno kay Defensor, kinahanglan niya nga tun-an ang ginpaguwa nga Memorandum Order sang National Inter-Agency Task Force lakip na ang mga existing Executive Order sa probinsya may kaangtanan sa pagpatigayon sang mass gathering.
Ginpahayag ni Defensor nga sapulon pa niya ang Local Chief Executives tuhoy diri bangud may probisyon sa Memorandum Order sang National Inter-Agency Task Force nga nakadepende sa Local Government Unit ang pagpahanugot sang bulang santo sa ginplastar nga minimum health protocol.
