Iloilo City – Indi na bag-o ang gina-antos nga prusisyon sang publiko tuga sang depektibo nga Ungka Flyover.
Kun balik-balikan, ginsiradhan ang nasambit nga flyover halin sang Septyembre 18, 2022 bangud sa vertical displacement nga nagresulta sang paglala sang traffic congestion.
Sa interview sang Bombo Radyo kay Alex Entridetso, isa ka jeepney driver nga may ruta nga Ungka-Parola Wharf, iya ginpahayag nga wala sang adlaw nga indi traffic sa Ungka, Jaro, Iloilo City.
Suno kay Entridetso, Lunes tubtob Sabado masami maeksperyensyahan ang pagpugok sa trapiko kun sa diin, masobra isa ka oras ang ginahulat antes ini makahalin.
Sa matuod, nangin nga palaagyan ang traffic sa paggamit sang flyover bilang overpass sang kagina sang aga.
Ginpahayag sang natungdan nga kuntani, naga-overtime ang mga trabahador kun gab-e agud indi na kinahanglan mag-antos sang mga tsuper sa ginpatuman nga one-way entry per vehicle.
Matandaan nga sang Disyembre 2022, nagpasar sang resolution ang municipal council sang Pavia, Iloilo agud magpanawagan sang House inquiry sa Ungka II flyover nga isa sa last pet projects ni former Sen. Franklin Drilon antes ini nag-retiro sa pulitika
Samtang, ang Ungka flyover ang gintukod sang Iloilo-based contractor nga International Builders Corp.
