Ginsuspende sang Department of Education (DEPED) ang klase kag trabaho sa tanan nga public shools sa pungsod, umpisa Mayo 2 tubtub 13.
Sa interview sang Bombo Radyo kay Leonil Salvilla, spokesperson sang DEPED, Schools Division of Iloilo, iya ginpahayag nga santo sa DEPED Order No. 29, series of 2021, ginpain ang nasambit nga mga inadlaw para sa National Election-related Activities sang mga manunudlo kag staff.
Ang mga estudyante naman halin sa Kinder tubtub Grade 12 ang wala sang klase.
Ang mga manunudlo nga ang ginalauman sa gihapon nga mag-report sa ila eskwelahan sa mga adlaw nga wala sang election-related duties ukon activities.
Una na nga ginpahayag sang DEPED Election Task Force nga kapin sa 320,000 ka mga manunudlo ang nalakip sa election board members.
Sa mga may pamangkot mahimo nga makig-angot sa DEPED Public Assistance and Action Center (PAAC) sa mga numero (02) 8636-1663 kag 8633-1942.
