ILOILO CITY – Gindeklarar ni Department of Agriculture (DA) Secretary Emmanuel Piñol nga wala na sang bird flu sa Pilipinas.
Sa interview sang Bombo Radyo Iloilo, ginpahayag sang tiglikom nga sa sulod sang 80 ka adlaw, natapna na ang avian influenza.
Ginpirmahan naman ni Piñol ang memorandum nga nagabawi sa ban sa shipment sang poultry products sa bansa.
Dugang pa sang tiglikom, repasuhon sini ang protocol sa response sang ahensiya sa outbreak sa nasambit nga virus.
Suno kay Piñol, ang gingamit nga protocol sang DA ang daan na nga nagtuga sang kapiyerdihan sa poultry raisers sa pungsod.
Gin-athag naman sang tiglikom nga ginbayaran na ang tanan nga naapektuhan sang bird flu outbreak.