ILOILO CITY- Nagapang-alang- alang na ang mga drivers sang Libre Sakay sa tion nga i- resume ang service contracting program sang Land Transportation Franchising and Regulatory Board (LTFRB).
Sa interview sang Bombo Radyo kay Rizalito Alido, Board Secretary sang Iloilo City Alliance Operators and Drivers Transport Cooperative (ICAODTC), iya ginpahayag nga nadudla na ang mga Libre Sakay drivers nga tubtob subong, wala sa gihapon mabaton ang ila bayad apisar Hunyo 30 pa natapos ang ila kontrata.
Suno kay Alido, masobra sa 50 ka mga drivers pa ang wala sa gihapon nakabaton sang sweldo rason nga wala sang gana ang mga ini sa tion nga ibalik ang Libre Sakay magluwas lang kon mabayaran na sila.
Nagpasalig naman si Alido nga mahatag na ini nga sweldo antes ang pagtakop sang Agusto bangod may budget na nga nakatigana.
