Nagpanugyan ang chief scientist sang World Health Organization nga indi maglaom ang publiko nga may yara sang bastante nga COVID-19 vaccines tubtob sa 2022 agud nga mabalik sa normal ang pangabuhi sang tawo.
Suno kay World Health Organization (WHO) chief scientist Soumya Swaminathan, magluwas sa bakuna, ang social distancing kag pagsuksok sang face mask ang magapadayon pa sa madason nga tuig.
Pahayag niya, apisar nga may yara sang minilyon nga doses sang bakuna sa tunga-tunga sang 2021, makabig sa gihapon ini nga gamay bangud duha ka bilyon ang target nga numero sa katapusan sang 2021.
Plano subong sang World Health Organization nga mag isyu sang guidelines tuhoy sa emergency use sang bakuna.
Dugang pa sang natungdan, bangud nga pandemya, may posibilidad nga madamo sang regulators ang luyag nga maghimo sang emergency-use listing kag ini ang iya nahangpan apang kinahanglan nga may yara ini sang criteria.
Importante nga mahibaluan sang WHO kag sang publiko nga safe ang bakuna magluwas nga epektibo ini nga bulong kontra COVID-19.
