Ginpasalig ni Finance Secretary Ralph Recto nga wala sang idugang nga buwis sa junk food kag matam-is nga mga ilimnon.
Suno sa tiglikom, nabasura na ini nga mga proposals kag wala siya sang plano nga ibalik ini ukon ikonsiderar liwat.
Sa isyu naman nga may ipatuman nga bag-o nga buwis, wala ini sa plano suno kay Recto.
Una na nga ginpahayag sang gobyerno nga may sukton nga junk food kag sweetened beverage tax agud nga makadugang pa sa pondo samtang nga ma-address man ang problema sa ikaayong lawas bangud sang mga balatian nga mahimo dal-on sini nga mga pagkaon.
Una na nagguwa sa report nga pananglitan dayunon ang pagpanukot sang buwis diri, makadugang ini sang P76 billion sa kaban sang gobyerno kag mabuhinan pa sang 21% ang consumption sang junk food.
Ginplano anay sang nagligad nga administrasyon sa Department of Finance (DOF) ang pagsukot sang P10 per 100 grams ukon P10 per 100 milliliters tax sa pre-packaged food nga kulang sa nutritional value.
Madasig naman nga may nagkontra sa sini nga proposal kag gintawag ini nga kontra ini sa mga pigado bangud nga indi man bastante ang ila mapilian sang barato nga pagkaon.#
