ILOILO CITY – Wala sang early warning device ang rason sang pipila ka mga aksidente nga natabo sa ginakaayo nga Forbes Bridge sa Bonifacio Drive, Iloilo City.
Sa interview sang Bombo Radyo kay Pol. Lt. Col. Efren Lozada, pinuno sang Traffic Investigation and Enforcement Unit sang Iloilo City Police Office, iya ginpahayag nga may yara sang duha ka mga aksidente sa motorisiklo nga na rekord sa nasambit nga taytay apang mahimo nga ang iban nga naaksidente ang ginpakamaayo na lamang nga indi magpa blotter.
Suno kay Lozada, napalab-ot na nila sa kontraktor kag sa Department of Public Works and Highways ang problema sa taytay.
Nagakadapat dugang pa sang natungdan nga kun may gina-ubra nga dalan, kinahanglan nga may yara sang early warning device agud nga malikawan ang aksidente.
Para naman sa publiko nga nagakinahanglan sang bulig sa tion nga may aksidente sa dalanon, mahimo tawgan ang City Tactical Operations Center sa contact numbers; 338-38-64 ukon 09-08-377-0191
