LAMBUNAO, ILOILO – Wala sang lockdown nga ipatuman kasunod sang kamatayon sang 70 anyos nga COVID-19 patient sa Lambunao, Iloilo.
Sa interview sang Bombo Radyo kay Mayor Reynor Gonzales, iya ginpahayag nga indi matuod nga ipasirado ang merkado kag ang mga commercial establishment sa baylo, limitado lang ang market hours kag gindula anay ang market day.
Suno kay Gonzales, istriktuhan ang curfew lakip na ang checkpoint.
Ginpahayag ni Gonzales nga padayon ang pag-disinfect sa pampubliko nga lugar sa Lambunao agud masiguro nga indi maglapta ang virus.
Sa subong suno sa alklade, wala pa sang basehan agud nga ipaidalom sa lockdown ang Lambunao bangud nga isa lang ang kumpirmado nga kaso sang COVID-19.
