ILOILO – Wala sang organized gambling activity sa probinsya sang Iloilo.
Ini ang ginapanindugan ni Iloilo Police Provincial Office Director Pol Col Roland Vilela.
Sa interview sang Bombo Radyo kay Pol. Col. Vilela, iya ginpahayag nga magagmay lamang nga mga iligal nga aktibidad ang ila natigayon nga madakop kaangay sang bookies, tong-its kag iban pa.
Suno kay Vilela, ang pinakadako nga nakumpiska nila halin sa mga bookies ang balor P500 gid lamang.
Pahayag pa sang direktor, indi niya prayoridad ang illegal gambling.
Nahibaluan nga umpisa sang nagpungko bilang direktor sang Iloilo Police Provincial Office, 18 ka mga iligal nga pasugal ang natigayon nga madakpan sang mga otoridad.
