Wala sang papel si President Ferdinand Marcos, Jr. sa impeachment case batuk kay Vice President Sara Duterte suno kay Senate Minority Leader Koko Pimentel.
Ini bangud wala sang kinalain ang presidente kay VP Sara, nga pwede man mapahalin sa pwesto base sa Konstitusyon.
Suno kay Pimentel, indi na importante ang panindugan ni President Marcos sa circulating draft Senate Resolution nga ibasura ang trial batuk sa bise presidente sang pungsod.
Sa pihak nga bahin, ginpanindugan ni Pimentel nga daku nga sala ang pagbasura sa kaso nga impeachment batuk kay Duterte.
Ginsiling sini nga base sa Konstitusyon, kinahanglan nga gilayon nga ipatigayon sang Senado ang pagbista sa isa ka impeachable official.
Ginsiling sini nga wala na sang mahimo ang Senado kundi magpatigayon sang impeachment trial batok kay VP Sara.
Amo gani nga nagapati si Pimentel nga sarang mabalhin halin sa ika-19 nga kongreso pakadto sa ika-20 nga kongreso ang impeachment proceedings batok sa bise presidente.
