Iloilo City – Lain sa kinaandan nga Dinagyang Festival sang nagligad nga mga tinuig, wala naman anay sang Sadsad sa Opening Salvo sang Dinagyang Festival 2023.
Sa interview sang Bombo Radyo kay Armand Dicen, Administrative Officer City Tourism & Head Coordinator for Opening Salvo, iya ginpahayag nga sa baylo nga magsadsad, maga-perform ang mga tribu sa apat ka mga judging areas.
Suno kay Dicen, mala-carousel ang matabo sa opening salvo bangud rotational ang mga performances.
Ang performance area ang ipahamtang sa Iloilo Freedom Grandstand, Mapa Street, Iloilo Provincial Capitol kag Quezon-Ledesma Street.
Suno kay Dicen, walo ka tribo gikan sa Dagyang sa Barangay ang nagpasakop, kag pito naman sa Ilomination.
Hatagan sang lima ka minutos ang mga tribu para sa ila tagsa ka performance.
