ILOILO CITY – Gin-athag sang pamunuan sang Police Regional Office (PRO) 6 nga wala sang secret jail sa mga police station sa rehiyon.
Ini kasunod man sang mando ni PNP chief Ronald “Bato” dela Rosa nga magpatigayon sang inventory sa tanan nga mga police station agud masigurado nga wala ang mga ini sang secret jail.
Sa exclusive interview sang Bombo Radyo Iloilo kay Police Supt. Gilbert Gorero, spokesperson sang PRO-6, ginpahayag sini nga nalibot na nila ang tanan nga mga police station kag wala sila sang may nakita nga secret jail.
May yara suno kay Gorero sang mga selda nga nahamtang sa sulod sang munisipyo kag indi sa police station ilabi na sa mga pigado nga mga banwa apang ini ang wala ginakabig nga secret jail.
Nagalaum naman si Gorero nga hatagan sang pagtamod sang mga local government unit (LGU) ang ila ginahingyo nga mahatagan sila sang duta agud tukuran sang mga presuhan sa diin separado ang selda sang mga babaye kag lalaki.