Nagpatigayon liwat sang ikaduha nga autopsy ang Pamilya ni Frank Rois Barbasa ini agud mahatagan sang klaro nga sabat ang pamilya sini.
Sa interview sang Bombo Radyo kay Ray Rico, isa ka malapit nga abyan sang pamilya Barbasa, iya ginpahayag nga ang pamilya mismo ang nagpangabay sang ikaduha nga autopsy sa bangkay
Suno kay Rico, gusto sang pamilya sini nga maathagan sang matuod nga rason sang kamatayon sang bangkay nga ginapahayag iya sang ila himata nga si Frank Rois Barbasa.
Ginpahayag man sini nga nakig-hinun-anon ang nanay sang isa ka abyan ni Frank Rois sa pamilya sini nga antes matabo ang insidente, kun sa diin may nasapwan nga nagakasunog nga bangkay sa Pavia, Iloilo nga wala sang may nakita nga senyales nga depress ukon magaplano ini nga tapuson ang iya kabuhi.
Dugang pa ni Rico nga wala sang sign nga depressed si Frank kag tuman pa ini ka excited nga madali na lang ang ila nga graduation.
Ginpahayag pa ni Rico nga apisar kilala nga hipuson si Frank Rois, madamo man ini sang mga kaabyanan.
Nagapangabay man ang pamilya ni Frank Rois nga indi pagdali-dalion ang paghatag sang konklusyon nga nag-utas ini sang kaugalingon nga kabuhi paagi sa pagsunog sang iya lawas.
