Wala sang nakit-an nga mga pagpamahog kag mga potensyal nga risgo sa election infrastructure sa Estados Unidos sang Amerika samtang nagapadayon ang piniliay subong nga adlaw.
Apisar sini suno sa U.S. Cybersecurity and Infrastructure Security Agency (CISA), wala sila nagakumpyansa kag padayon nga naga-monitor sa tanan nga posible nga “national-level significant incidents” nga may epekto sa seguridad sang piniliay.
“We are not currently tracking any national-level significant incidents impacting the security of our election infrastructure,” suno kay Cait Conley, ang senior election adviser sang ahensya.
Nagpaandam ini nga may mga pungsod kaangay sang Russia kag Iran nga potensyal nga magpadayon sa pagpalapta sang mga sala-sala nga impormasyon kaangot sa election fraud.
“We may see more of this activity today and in the coming weeks, with a particular focus on influence narratives impacting swing states,” suno sa natungdan.
6 am ET (Nov 5 sa US) sang nagsugod sa pagbukas ang polling places agud makaboto sang personal ang minilyon nga mga Amerikano kun sin-o kanday Vice President Kamala Harris kag former President Donald Trump ang papungkuon sa White House.
Magpadayon sa pagbantay sa US election updates sa Bombo Radyo Philippines nga dal-on sang masobra 150 ka Bombo International correspondents direkta halin sa nagkalain-lain nga states sa Estados Unidos sang Amerika.
