Ginpanginwala sang suspek nga gin-abuso sekswal niya ang dalaga nga nasapwan nga patay sa iya kwarto sa Ingay, Tubungan, Iloilo.
Baliskad ini sa resulta sang autopsy nga nagasiling nga may gasgas sa kinatawo kag alatrasan ang 18-anyos nga si alyas Jeje nga patimaan nga ginhimuslan ini.
Suno kay Aljohn Jalbuna, 33-anyos, residente man sang amo nga barangay, nagpukutay lamang sila sang biktima kag sang aksidente nga nalampos ang ulo sini sa salog rason nga nadulaan ini sang pangalibutan tubtob nga ginbawian sang kabuhi.
Apang, gin-ako ni Jalbuna nga sang amo nga tion, ‘balong’ siya.
