Ginbalasa ang mga hepe sang pulis sa idalom sang Iloilo Police Provincial Office ukon IPPO bilang kabahin sang ila regular movement sang mga opisyal sa probinsya.
Sa interview sang Bombo Radyo kay PLt. Col. Arnel Solis, spokesperson sang IPPO, iya ginpahayag nga walo ka mga hepe ang ginpangsaylo sa ila bag-o nga nadesignar nga assignment kag ini nangin epektibo sang nagligad nga Mayo 20, 2026.
Kalakip sa mga ginpangsaylo amo sanday:
Sa Pavia Municipal Police Station, ginbuslan ni PMaj. Bryan Alamo si PCapt. Ritz Field Presquito bilang hepe samtang si Presquito naman ang ginsaylo bilang deputy sang Pototan Municipal Police Station.
Sa Leon Municipal Police Station naman gin-islan si PCapt. John Michael Dalipe kag sa subong gin-assign ini bilang deputy sang Calinog Municipal Police Station.
Sa banwa naman sang Anilao, Iloilo ginsaylo si PCapt. Kate Apaitan sa 2nd Iloilo Provincial Mobile Force Company kag gintal-usan ini ni PCapt. Ma. Rosela Buenvinida.
Samtang, si PMaj. Myles Dieron nga halin sa Calinog MPS ang ginsaylo sa Provincial Investigation and Detective Management Unit ukon PIDMU, kag gintal-usan ini ni PCapt. Melvin Mercado.
Sa banwa naman sang San Joaquin ginsaylo ang anay ila hepe nga si PCapt. Isagani Tabares sa Regional Personnel Holding and Accounting Unit ukon RPHAU kag ginbuslan ini ni PCapt. Marlon Asparo.
Suno kay Solis, natural lamang ang amo sini nga pagbalasa bangud ginakonsiderar man ang availability kag kwalipikasyon sang mga police officer para sa ila nga bag-o nga assignment.
