Tuman nga kalisod ang nabatyagan sang isa ka pamilya sa Purok 2, Barangay San Geronimo, Bagabag, Nueva Vizcaya matapos naubos patay ang ila mga hinuptanan nga ido kadungan sang sunog sa ila nga balay.
Santo sa imbestigasyon sang Bureau of Fire (BFP) Bagabag, ang 29-anyos nga anak ang una nga naka-notisyar sang baho sang sunog tubtub nga nakit-an sini nga may kalayo na nga naga-guwa halin sa kuwarto.
Gintinguhaan sini nga mapalong ang kalayo, apang nagpadayon ini sa paglapta gani sang ulihi, nangayo na ini sang bulig.
Ginkamang pa sang tag-iya ang ila mga hinuptanan nga mga ido para masalbar, apang ang iloy lang nga Shih Tzu ang nahingagaw sini bangud nga dako na katama ang kalayo.
Suno pa sa BFP, sang nakaguwa na sila sa balay, naglukso ang iloy nga ido kag ginbalikan ang iya mga tutoy. Tanan sila ang wala gid nakaluwas sa amo nga insidente.
Nagaguwa man sa imbestigasyon sang fire authority nga nagsugod ang sunog sa electric fan nga nakatutok sa mga Shih Tzu sa isa ka kuwarto. Ginalantaw nga nag-overheat ang fan kag naglupok ang mga bombilya.#
