Dakop sa illegal gambling ukon paghampang sang pusoy-bahig ang walo ka mga indibidwal sa Barangay San Isidro, Jaro, Iloilo City.
Sa interview sang Bombo Radyo kay PLt. Col. Rene Obregon Jr., Head sang City Intelligence Unit sang Iloilo City Police Office (ICPO), iya ginpahayag nga tuyo kuntani sang operatiba nga mag-operate sang iligal nga pabulang sa San Isidro apang ang naabtan nila amo ang mga nagahampang sang pusoy-banig.
Suno kay Obregon, sang ila ginpadulongan ang lugar, nakahanda na ang improvised cockfighting ring kag mga manok nga hulo.
Ang walo ka mga nadakpan sa pusoy-bahig, amo man kuntani ang magahampang sang iligal nga pabulang.
Dugang pa sang natungdan, pila sa mga arestado ang makapila naman ka beses nga nadakpan sang kapulisan bangud man sa illegal gambling.
