Walo ang kumpirmado nga patay sa bungguanay sang isa ka truck kag duha ka van sa Aurora, Isabela sang Sabado, Hulyo 19, 2025.
Suno sa report, nagadalagan ang isa ka six-wheeler truck padulong sa Santiago City sang hinali lang nga naglapaw ini sa pihak nga linya kun sa diin nagasundanay ang duha ka van.
Gilayon nga nabungguan ang isa ka van nga may sakay nga 16 ka pasahero.
Sa kabaskog sang impact, gin-arado pa ini sang truck bag-o nag-igo sa isa pa ka van nga may sakay nga siyam ka pasahero.
Gindeklarar nga dead on arrival ang driver sang una nga van samtang pito pa ang nareport nga napatay nga mga sakay sini.
May isa pa ka pasahero nga na- comatose.
Base sa imbestigasyon, human error ang ginasundan nga anggulo.
Yara na sa kustodiya sang pulis ang driver sang truck.
