Walo ka tuig nga bata, ginhimuslan sang menor de edad nga kasilingan sa Barotac Viejo, Iloilo

ILOILO CITY–Ginhimuslan ang isa ka walo ka tuig nga bata nga babaye sang 16 anyos nga solterito sa Barotac Viejo, Iloilo.
Sa exclusive interview sang Bombo Radyo kay Police Chief Inspector Joven Arevalo, hepe sang Barotac Viejo Municipal Police Station, natabo ang paghimulos sa puluy-an mismo sang biktima.
Suno kay Arevalo, naga-isahanon ang bata sa ila balay sang ginsulod sang suspetsado kag ginhimo ang paghimulos.
Pagkatapos sang krimen, nag-eskwela pa ang bata apang sang nagpauli, nakit-an sang iya ginikanan ang dugo sa iya bayo kag sang ginpamangkot sang ginikanan,didto na kag nag-tuad ang biktima.
Gilayon naman nga nagpangayo sang bulig sa kapulisan ang ginikanan sang biktima nga nagresulta naman sa pagkadakop sa suspetsado.
Ginpaidalom naman sa medical examination ang bata agud matumod kun may natabo nga penetration.
Magapasaka sang kaso ang ginikanan sang biktima batok sa suspetsado nga natalana nga i-turn-over sa Department of Social Welfare and Development (DSWD).