Ginklaro sang isa ka eksperto sa publiko nga ang polycystic ovary syndrome (PCOS) sa kababainhan ang isa ka genetic nga balatian.
Sa interview sang Bombo Radyo kay Dr. Philip Ian Padilla, Assistant to the Director sang Philippine Genome Center, iya ginpahayag nga ang common nga sintomas sang PCOS nga balatian amo ang irregular nga menstrual period sang isa ka babaye.
Suno kay Padilla, ang babaye nga may balatian nga Polycystic ovary syndrome ang masami madamo magkaon kag nagaangkon sang mataas nga kabug-aton ukon obesity.
Gin-athag man sini nga associated man sa sintomas sini ang paglaba sang mga facial hair kag pagtubo sini sa pila ka mga parte sang lawas.
Nagpanugyan man ang natungdan nga kon ma-ekspersyahan ang mga sintomas, gilayon nga magpakonsulta sa doctor.
Nahibaluan nga yara sa walo tubtob 13 ka porysento sang kababainhan sa bilog nga kalibutan ang apektado ukon naga-ekspersyensya sang polycystic ovary syndrome.
